Eduardo de Filippo (Fantasia)

Pigliammoce sta vita cumme vene,
llassammo for' 'a porte 'a pucundria,
mparammece a campa' c' 'a fantasia:
nce sta cosa cchiu' bella pe' campa' ?
' A fantasia se sceta ogne matina
comme si fosse prencepe rignante,
affonna 'e mane aperte int' 'e brillante
e nun s' 'e ppiglia: che s' 'e ppiglia a ffa?
E che curredo tene! Nu mantello
ca luce cchiu' d' 'o sole e nun e' d' oro;
quanno se mena ncuollo stu tesoro,
abbaglia 'a vista: nun se puo' guarda'.
Po' tene nu regolio cumpiacente,
cu sissanta minute d' allegria,
mmiez' 'o quaranta liegge:
FANTASIA
e fa ta' - ti, ta' - ti, nun fa tì - ta'......